SEO nədir?

SEO - ingilis dilindəki "Search Engine Optimization" söz birləşməsinin abreviaturudur, tərcümədə Axtarış sistemlərinin optimizasiyası mənasını verir. SEO bir veb-saytın axtarış sistemləri tərəfindən daha yaxşı anlaşılması və axtarış nəticələri daha yüksək sıralama əldə etməsi üçün görülən işlərin məcmusudur.

Veb-saytların ən böyük trafik qaynaqlarından biri məhz axtarış sistemləridir. Məhz bu səbəbdən "Google" kimi axtarış sistemlərində üst sıralarda yer almaq bir veb-sayt üçün böyük üstünlükdür. Lakin nəzərə almaq lazımdır ki, axtarış sistemlərində alqoritmlər çox mürəkkəb və dəyişkəndir. Bu səbəbdən peşəkarla iş görməkdə fayda var.

SEO xidməti veb-saytın məzmunundan kodlaşdırılmasına, səhifə strukturundan keçidlərə qədər bir çox faktoru əhatə edir.

SEO xidməti əsasən aşağıdakı mərhələlərdən ibarətdir:

Açar sözlərin araşdırılması: veb-sayt məzmununda istifadə olunacaq sözlərin müəyyən olunması.

Sayt strukturu və kodlaşdırma: Veb-saytın dizayn və strukturunun axtarış sistemləri tərəfindən daha sürətli indekslənməsini təmin etmək üçün uyğunlaşdırılması.

Məzmun tərtibatı: Axtarış sistemlərinin tələblərinə uyğun məzmunun yaradılması.

Xarici keçidlərin yerləşdirilməsi: Digər saytlarda veb-sayta keçidlərin yerləşdirilməsi və veb-sayta trafik axınının təmin olunması.

SEO təhlili: Veb-saytın axtarış sistemlərindəki sıralamasının izlənilməsi və daimi təhlili.

Düzgün tətbiq edilmiş SEO xidməti veb-saytın daha çox orqanik trafik almasını təmin edəcək və potensial müştərilərə çatmasını asanlaşdıracaq.

Lakin SEO xidməti bir dəfə tətbiq olunmaqla tamamlanmış hesab olunmur. "Google" axtarış sistemi davamlı olaraq alqoritmlərini yeniləyir və qaydalar tətbiq edir. Bu səbəbdən SEO üzrə davamlı olaraq dəstək almaq və yenilənmələr etmək zəruridir. Yalnız bu halda siz dəyişikliklərə hazır ola və sıralamadakı yerinizi qoruya, həmçinin yüksəldə bilərsiniz.

Həmçinin SEO xidmətinin effekti təkcə veb-saytın axtarış sistemlərindəki sıralamasına təsir etməklə məhdudlaşmır, eyni zamanda istifadəçi təcrübəsinə öz töhfəsini verir. Davamlı olaraq məzmunun yenilənməsi, dizaynda yeni həllərin tətbiqi və funksionallıqlar istifadəçi ehtiyaclarının ödənilməsində əvəzsizdir. Bununla da atılan addımlar veb-saytınızı ziyarət edən istifadəçilər qarşısında loyallığın qazanılması ilə - daimi bir auditoriyanın yaranması ilə nəticələnir.

Nəticə olaraq qeyd etməliyik ki, SEO bir veb-saytın inkişafı və uğurlu olması üçün ciddi önəm daşıyır. Axtarış nəticələrində ön sırada olmaq, orqanik trafik çəkmək və daha çox potensial müştəriyə çatmaq üçün SEO xidmətimizdən faydalana bilərsiniz.